மத்திய சாலைப் போக்குவரத்து மற்றும் நெடுஞ்சாலைத் துறை அமைச்சர் நிதின் கட்கரி உத்தரப் பிரதேசத்தில் உள்ள பல்லியாவின் சித்படா கிராமத்தில் ரூ.6,500 கோடி முதலீட்டில் ஏழு தேசிய நெடுஞ்சாலைத் திட்டங்களைத் தொடங்கி வைத்தார்.

பயண தூரத்தை குறைப்பதுடன், இந்த நெடுஞ்சாலை இணைப்பு பல்லியா விவசாயிகளுக்கு எளிதாக லக்னோ, வாரணாசி மற்றும் பாட்னா மண்டிகளுக்கு காய்கறிகளை கொண்டு செல்ல வசதியாக இருக்கும்.

நிகழ்ச்சியில் பேசிய கட்காரி, பல்லியா இணைப்பு விரைவுச்சாலை அமைப்பதன் மூலம் லக்னோவிலிருந்து பூர்வாஞ்சல் விரைவுச்சாலை வழியாக நான்கரை மணி நேரத்தில் பாட்னாவை அடைய முடியும் என்றார்.

பல்லியா முதல் பக்சர் வரை அரை மணி நேரத்திலும், பல்லியா முதல் சாப்ரா வரை ஒரு மணி நேரத்திலும், பல்லியா முதல் பாட்னா வரை ஒன்றரை மணி நேரத்திலும் சென்றடையலாம் என்றார்.

கிரீன்ஃபீல்ட் நெடுஞ்சாலை அமைப்பதன் மூலம், கிழக்கு உத்தரப்பிரதேசம் பீகாரில் உள்ள சாப்ரா, பாட்னா மற்றும் பக்ஸருடன் சிறந்த இணைப்பைப் பெறும் என்று அவர் மேலும் கூறினார்.

இந்த விரைவுச் சாலையின் மூலம் காய்கறி உற்பத்தி செய்யும் விவசாயிகள் வாரணாசி, காஜிபூர் மற்றும் ஹல்தியா ஆகிய மூன்று மல்டிமாடல் டெர்மினல்களின் நேரடிப் பயனைப் பெறுவார்கள் என்று அமைச்சர் மேலும் கூறினார்.

130 கோடி செலவில் சந்தௌலியில் இருந்து மொஹானியா வரையிலான கிரீன்ஃபீல்ட் சாலை, டெல்லி-கொல்கத்தா ஜிடி சாலை வழியாக உத்தரபிரதேசத்தில் உள்ள சந்தௌலி மற்றும் பீகாரின் கைமூர் மாவட்டத்திற்கு இணைப்பை வழங்கும் என்று கட்கரி கூறினார்.

சைத்பூர் முதல் மர்தாஹ் சாலை அமைப்பதன் மூலம், சைத்பூர் வழியாக வாரணாசியிலிருந்து மவு வரை நேரடி இணைப்பு ஏற்படும் என்றும் அமைச்சர் கூறினார்.

மற்ற நகரங்களுடனான சிறந்த இணைப்பு காரணமாக, மாநிலத்தின் பொருளாதார மற்றும் சமூக நிலை மேம்படும், மேலும் அசம்கர் மாவட்டத்தின் பின்தங்கிய பகுதிகளும் புதிய இணைப்பைப் பெறும் என்று அவர் மேலும் கூறினார்.

இந்நிகழ்ச்சியில், பல்லியா-ஆரா இடையே ரூ.1,500 கோடி மதிப்பீட்டில் 28 கிமீ கிரீன்ஃபீல்ட் ஸ்பர் சாலை வழியாக புதிய இணைப்பு பாதையை கட்காரி அறிவித்தார்.